Fýtboldan birinshi lıgada «Han táńiri» komandasy «Jetisaıdan» basym tústi

ASTANA. KAZINFORM - Fýtboldan Birinshi lıganyń HHV týry máresine jetti.

Atalǵan týrdyń ekinshi oıyn kúninde almatylyq «Han táńiri» komandasy syrt alańda Túrkistan oblysynyń «Jetisaıyn» 3:1 esebimen jeńdi. Nátıjesinde týrnır kestesinde besinshi orynǵa turaqtap, úzdik úshtikte kele jatqan klýbtarǵa jaqyndaı tústi. Premer-lıgaǵa shyǵý múmkindiginen áli de úmit úzgen joq.

Al «Ekibastuz» (Pavlodar oblysy) ben «Taraz», «Túrkistan» men «SD Family» (Astana) 1:1 esebimen teń tússe, «Aqtóbe-2» Túrkistan oblysynyń «Arysyna» 0:1 esebimen jol berdi.

19 qyrkúıekte Kókshetaýdyń «Oqjetpesi» oılamaǵan jerden syrt alańda Óskemenniń «Altaı» komandasyna 0:1 esebimen ese jiberse, Aqtaýdyń «Kaspııi» Almatynyń «Qaırat-2» komandasyn 4:2, Oraldyń «Aqjaıyǵy» qyzylordalyq «Qaısar-2» klýbyn 1:0 esebimen qapy qaldyrdy.