Fýtboldan birinshi lıgada «Ertis» pen «Kaspıı» kósh bastady

ASTANA. KAZINFORM - Fýtboldan birinshi lıga komandalary arasyndaǵy Qazaqstan chempıonatynyń 2-týrynyń alǵashqy oıyn kúni aıaqtaldy.

Bıyl Premer-lıgaǵa shyǵýdy kózdep otyrǵan pavlodarlyq «Ertis» qatarynan eki oıynda jeńiske jetip, týrnır kestesindegi jaǵdaıyn jaqsarta tústi. Bul joly olar syrt alańda «Aqtóbe-2» klýbynan 1:0 esebimen basym tústi.

Taǵy bir oıynda aqtaýlyq «Kaspıı» Túrkistan oblysynyń «Jetisaı» komandasymen jasyl alańǵa shyqty.

Atalǵan kezdesýde de oıyn taǵdyryn jalǵyz gol sheshti.

«Ertis» pen «Kaspıı» eki týrdan keıin alty upaı jınap, týrnır kestesinde alǵashqy eki oryndy ózara bólisip tur.

Sondaı-aq almatylyq «Qaırat-2» klýby almatylyq «Han táńirin» 2:1 esebimen jeńip, bıylǵy maýsymdaǵy alǵashqy jeńisin toılady.

Endi 18 sáýirde «Altaı» (Óskemen) men «Ekibastuz» (Pavlodar oblysy), «Shahter» (Qaraǵandy) men «SD Family», «Ońtústik akademııasy» (Shymkent) men «Taraz», AKAS (Almaty) pen «Túrkistan» komandalary sheberlik baıqasady.

Osyǵan deıin fýtboldan Qazaqstan kýbogy bıyl Qyzylordada ótetini týraly jazdyq.