Fýtboldan Birinshi lıgada «Ertis» qarsylasyn iri eseppen jeńdi

ASTANA. KAZINFORM - Búgin fýtboldan Birinshi lıgada HHІІІ týrynyń alǵashqy oıyn kúni ótti.

Atalǵan týr 25-26 qyrkúıek kúnderine belgilengen.

Alǵashqy oıyn kúninde Pavlodardyń «Ertisi» syrt alańda astanalyq «SD Family» komandasymen kezdesti. Oıyn barysynda pavlodarlyq klýbtan Erkebulan Tuńǵyshbaev bes gol soǵyp, penta-trık avtory atandy. Osylaısha olar qarsylasyn 7:2 esebimen qapy qaldyryp, týrnır kestesinde ekinshi orynǵa jaıǵasty. Olar Premer-lıgaǵa oralýǵa jaqyn tur.

Sondaı-aq Shymkenttiń «Akademııa Ońtústigi» qaarǵandylyq «Shahterge» 0:2, «Túrkistan» Pavlodar oblysynyń «Ekibastuzyna» 1:2 esebimen ese jiberdi.

Al 26 qyrkúıekte «Kaspıı» (Aqtaý) men «Aqtóbe-2», «Altaı» (Óskemen) men «Han táńiri» (Almaty), «Jetisaı» (Túrkistan oblysy) men AKAS (Almaty), «Taraz» ben «Qaırat-2» (Almaty) sheberlik baıqasady.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysý úshin tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.

Jıyrma eki týrdan keıin «Kaspıı», «Ertis», «Shahter», «Altaı» komandalary alǵashqy oryndardy ózara bólisip tur.