Fýtboldan Birinshi lıgada «Ertis» qarsylasyn iri eseppen jeńdi

ASTANA. KAZINFORM - Búgin fýtboldan Birinshi lıgada HHІІІ týr oıyndary máresine jetti.

Bul kúni alǵashqy úzdik úshtikke talasyp kele jatqan «Kaspıı», «Ertis», «Altaı», «Shahter» komandalary óz oıyndaryn ótkizdi. Barlyǵy kezekti jeńisine jetip, Premer-lıgaǵa beriletin joldamaǵa talasty jalǵastyrdy. 

Qaraǵandylyq «Shahter» óz alańynda «Tarazdy» 2:0, pavlodardyq «Ertis» Almatynyń «Han táńiri» komandasyn 7:1 esebimen tize búktirdi.

Al almatylyq «Qaırat-2» óz alańynda aqtaýlyq «Kaspııge» 2:3, Túrkistan oblysynyń «Jetisaıy» óskemendik «Altaıǵa» 1:2 esebimen ese jiberdi.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysý úshin tikeleı joldamaǵa qol jetkizedi. Bıyl «Shahter», «Ertis», «Altaı», «Kaspıı» komandalary úzdikter qatarynda bolady dep boljanyp otyr.

Jıyrma tórt týrdan keıin «Kaspıı», «Ertis», «Altaı», «Shahter» komandalary alǵashqy oryndardy ózara bólisip tur.