Fýtboldan Birinshi lıgada «Altaı» qatarynan tórtinshi márte jeńiske jetti

ASTANA. KAZINFORM — Fýtboldan Birinshi lıga komandalary arasyndaǵy Qazaqstan chempıonatynyń 8-týry máresine jetti.

Atalǵan týrdyń ekinshi oıyny kúninde óskemendik «Altaı» óz alańynda Qaraǵandynyń «Shahterin» 2:1 esebimen súrindirdi.

Nátıjesinde óskemendik komanda qatarynan tórtinshi márte jeńiske jetti. Bul olardyń kósh basynda kele jatqan klýbtarǵa jaqyndaı túsýine múmkindik jasady. Qazir «Altaı» týrnır kestesinde 17 upaımen tórtinshi orynǵa kóterildi. Olar úzdik úshtikte kele jatqan «Kaspıı», «Ertis» jáne «Shahter» komandalarymen upaı sany jóninen deńgeıles bolyp qaldy.

Bul kúngi taǵy bir kezdesýde Túrkistan oblysynyń «Jetisaı» klýby óz alańynda «Aqtóbe-2» klýbyn 3:0 esebimen tize búktirse, «Taraz» Pavlodardyń «Ertisine» 0:1 esebimen jol berdi.

Aıta ketsek, 28 mamyrda aqtaýlyq «Kaspıı» bul joly óz alańynda Almatynyń «Han táńirin» 1:0, almatylyq AKAS sol qalanyń taǵy bir ókili «Qaırat-2» klýbyn 3:0 esebimen jeńdi.

Al shymkenttik «Akademııa Ońtústik» Pavlodar oblysynyń «Ekibastuzyna», «Túrkistan» elordalyq «SD Family» klýbyna 0:1 esebimen jeńilip qaldy.

Endi aldaǵy týr oıyndary 12 jáne 13 mamyr kúnderine belgilengen.