Fýtboldan Birinshi lıga oıyndary qashan bastalady

ASTANA. KAZINFORM – Fýtboldan Birinshi lıga komandalary arasyndaǵy Qazaqstan birinshiligi sáýir aıynda jalaýyn kóteredi. Bul jóninde Kffleague.kz málim etti. 

Birinshilikke barlyǵy 14 komanda qatysady dep josparlanyp otyr. Qaı komandalardyń qatysatyny lızentsııa alǵannan keıin tolyq belgili bolady.

Bıyl túrkistandyq «Turan», qaraǵandylyq «Shahter» jáne Jambyl oblysynyń «Taraz» komandalary Premer-lıgaǵa beriletin joldamadan basty úmitkerler qatarynda sanalady. 

Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.

Aıta ketsek, budan buryn Qazaqstan fýtbol federatsııasynyń keńsesinde Qazaqstan Premer-lıgasy 2026 jylǵy maýsymynyń kúntizbesin jasaýǵa qatysty jerebe tartý rásimi ótti.

Alǵashqy týrda «Aqtóbe» - «Tobyl» (Qostanaı), «Altaı» (Óskemen) - «Qaırat» (Almaty), «Astana» - «Jetisý» (Taldyqorǵan), «Atyraý» - «Ulytaý» (Jezqazǵan), «Qaısar» (Qyzylorda) - «Jeńis» (Astana), «Qyzyljar» (Petropavl) - «Kaspıı» (Aqtaý), «Oqjetpes» (Kókshetaý) - «Elimaı» (Semeı), «Ordabasy» (Shymkent) - «Ertis» (Pavlodar) oınaıdy.