Fýtboldan bıylǵy «Altyn dop» ıegeri álem chempıonatynan tys qaldy

ASTANA. QazAqparat – Fýtboldan bıylǵy «Altyn dop» ıegeri, Frantsııa quramasynyń shabýylshysy Karım Benzema Qatardaǵy álem chempıonatyna qatyspaıdy, dep habarlaıdy QazAqparat tilshisi.

Oıynshy keshe Frantsııa quramasynyń jattyǵýy kezinde jaraqat alyp qalǵan. Dohadaǵy aýrýhanada qaralǵannan keıin onyń sol jambasynyń bulshyq etinen jaraqat alǵany, odan jazylý úshin úsh apta kerektigi belgili boldy.

Osylaısha, bıylǵy «Altyn dop» ıegeri Karım Benzema 2018 jylǵy álem chempıony Frantsııa quramasyna kómektese almaıdy.

Karım dúnıejúzilik dodadan keıin Ispanııa chempıonatynda «Real» (Madrıd) komandasynyń oıyndaryna deıin qalpyna kele alady.

Eske sala keteıik, budan buryn fýtboldan álem chempıonatynda alǵashqy kezdesýde bas tóreshi belgilengenin jazǵan bolatynbyz.