Fýtboldan bıylǵy álem chempıonatynyń ánuranyn Pıtbýl men Djenıfer Lopes oryndaıdy
ASTANA. QazAqparat - Ataqty amerıkandyq pop ánshiler Pıtbýl jáne Djenıfer Lopes brazılııalyq estrada juldyzy Klaýdııa Leıtamen birigip Brazılııanyń San-Paýlý qalasyndaǵy "Arena Korıntıans" stadıonynda ótetin 2014 jylǵy fýtboldan álem chempıonatynyń ashylý saltanatynda án aıtady, dep habarlady art.gazeta.kz.
Búginde "We Are One" (Biz birgemiz) dep atalatyn ánniń beınebaıany túsirilýde. Alaıda áleýmettik jelilerde ánurannyń beıresmı nusqasy shyǵyp úlgeripti.
OAR-da ótken 2010 jylǵy chempıonattyń ánurany Shakıranyń "Waka, Waka" áni bolǵan.
Frantsııadaǵy 1998 jylǵy fýtboldan álem chempıonatynda Rıkı Martın oryndaǵan «The Cup of Life / La Copa de la Vida» (Ómir kýbogy) áni halyq arasynda keńinen tanyldy.
Esterińizge sala keteıik, 2014 jylǵy fýtboldan álem chempıonatynyń aqtyq syny 12-13 maýsymda Brazılııada ótedi. Týrnırge 32 komanda qatysady. Chempıonattyń syıaqy qory 576 mln. dollardy quraıdy.
