Fýtboldan bıylǵy álem chempıonaty fınaldyq týrnıriniń jerebesi tartyldy
NUR-SULTAN. QazAqparat - Fýtboldan 2022 jylǵy álem chempıonaty fınaldyq týrnıriniń jerebesi tartyldy, dep habarlaıdy QazAqparat tilshisi.
Dúbirli dodada baq synaıtyn 32 qurama aldymen FIFA jarııalaǵan reıtıngindegi oryndary boıynsha tórt sebetke bólindi.
Sol arqyly barlyǵy tórt-tórtten segiz topqa ornalasty .
Ázirge álem chempıonatyna 29 qurama joldama alyp úlgerdi. Qalǵan úsh joldama ıegeri maýsym aıynda anyqtalady.
Bul joldamalar qurlyqaralyq ótpeli saıys (Kosta-Rıka men Jańa Zelandııa, Perý men Avstralııa/BAÁ) jáne eýropalyq irikteý kezeńindegi ótpeli saıystaǵy jeńimpaz (Ýels pen Shotlandııa/Ýkraına) bolǵan quramalarǵa beriledi.
A toby: Katar, Nıderlandy, Senegal, Ekvador
V toby: Anglııa, AQSh, Iran, Ýels pen Shotlandııa/Ýkraına
S toby: Argentına, Meksıka, Polsha, Saýd Arabııasy
D toby: Frantsııa, Danııa, Týnıs, Perý men Avstralııa/BAÁ
E toby: Ispanııa, Germanııa, Japonııa, Kosta-Rıka/Jańa Zelandııa
F toby: Belgııa, Horvatııa, Marokko, Kanada
G toby: Brazılııa, Shveıtsarııa, Serbııa, Kamerýn
H toby: Portýgalııa, Ýrýgvaı, Ońtústik Koreıa, Gana
Alǵashqy oıyn 21 qarashada El-Haýr qalasyndaǵy «El-Baıt» stadıonynda alań ıesi - Katar quramalary arasyndaǵy kezdesýmen ashylady.
Dúbirli doda bıylǵy jyldyń 21 qarashasy men 8 jeltoqsany aralyǵynda Katarda bolady.
Ol atalǵan memlekettiń 5 qalasyndaǵy 8 stadıonda ótkiziledi.
