Fýtboldan birinshi lıganyń oıyn kúntizbesi belgili boldy
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan chempıonatynyń oıyn kúntizbesi belgili boldy, dep habarlaıdy QazAqparat tilshisi.
Dop dodasyna barlyǵy 14 komanda qatysady. Olardyń qatarynda «Akademııa Ońtústik» (Shymkent), «Aqjaıyq» (Oral), «Aqtóbe», «Atyraý», «Altaı» (Shyǵys Qazaqstan oblysy), «Arys» (Túrkistan oblysy), «Baıqońyr» (Qyzylorda), «Jetisý B» (Taldyqorǵan), «Qaırat-Jastar» (Almaty), «Qyran» (Shymkent), «Maqtaral» (Túrkistan oblysy), SDıÝSShOR № 8 (Nur-Sultan),«Shahter-Bolat» (Qaraǵandy) jáne «Ekibastuz» (Pavlodar oblysy) komandalary bar.
Týrnır 1 shildede bastalyp, 2 qarashaǵa deıin jalǵasady. Alǵashqy týrda «Aqtóbe» men «Baıqońyr», «Atyraý» men «Qaırat-Jastar», «Aqjaıyq» pen «Jetisý B», «Altaı» men «Qyran», «Ekibastuz» ben «Maqtaral», SDıÝSShOR № 8 ben «Arys», «Shahter-Bolat» pen «Akademııa Ońtústik» komandalary kezdesedi.
Sondaı-aq, fýtboldan Qazaqstan chempıonaty 1 shildede jalǵasady.
