Fýtboldan birinshi lıgada «Jetisý» «Qaısardan» basym tústi
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on úshinshi týryndaǵy alǵashqy oıyn ótkizildi, dep habarlaıdy QazAqparat tilshisi.
Taldyqorǵanda jergilikti «Jetisý» Qyzylordanyń «Qaısaryn» 2:1 esebimen qapy qaldyrdy. Oıyn barysynda alań ıelerinen Baýyrjan Turysbek 13, 45-mınýttarda mergendik tanytsa, oǵan qyzylordalyq klýbtan 82-mınýtta Elıseı Gorshýnov bir golmen jaýap qaıyrdy.
Atalǵan týrdaǵy qalǵan oıyndar 23 shildege belgilengen.
Qazir týrnır kestesinde 26 upaımen «Qaısar» birinshi orynda keledi. Odan keıingi oryndaǵy «Oqjetpestiń» 25, «Qyrannyń» 23 upaıy bar.
Eske salsaq, budan buryn fýtzaldan UEFA Chempıondar lıgasy negizgi satysynyń jerebesi tartyldy.
Sondaı-aq, fýtboldan Qazaqstan kýbogynda «Kaspıı» men «Qyzyljar» teń tústi.
