Fýtboldan birinshi lıgada «Jas qyran» qatarynan úshinshi márte jeńiske jetti

ASTANA. QazAqparat - Almatylyq «Jas Qyran» fýtboldan birinshi lıgada qatarynan úshinshi márte jeńiske jetti, dep habarlaıdy QazAqparat tilshisi.

Almatylyq klýb 14-týrda óz alańynda «Taraz» komandasyn qabyldady.

Oıyn barysynda alań ıeleri qarsylasynan 4:2 esebimen basym tústi. Osylaısha týrnır kestesinde jetinshi orynǵa kóterildi.

Al «Taraz» týrnır kestesinde 10-oryndy mise tutyp tur.

Sondaı-aq, Shymkenttiń «Ońtústik akademııasy» men Pavlodar oblysynyń «Ekibastuzy» 1:1 esebimen teń tússe, Oraldyń «Aqjaıyǵy» «Túrkistandy» 1:0 esebimen tize búktirdi.

Endi 7 shildede «Arys» (Túrkistan oblysy) pen «Elimaı» (Semeı), «Qyran» (Almaty) men «Han táńiri» (Almaty), «Kaırat jastary» (Almaty) men «Aqtóbe jastary», «Astana jastary» men «Turan» (Túrkistan) komandalary kezdesedi.

Eske salsaq, budan buryn fýtzaldan qazaqstandyq klýbtardyń Chempıondar lıgasyndaǵy qarsylastary anyqtalǵan edi.