Fýtboldan birinshi lıgada úshinshi týr oıyndary ótti
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan chempıonatynyń úshinshi týry máresine jetti, dep habarlaıdy QazAqparat tilshisi.
Dop dodasy eki konferentsııa boıynsha ótkizilýde. Árbirinde jeti-jetiden komanda bar.
Birinshi konferentsııada 21 qyrkúıekte «Qyran» «Arysty» 2:0, «Aqtóbe» «Baıqońyrdy» 5:0, «Altaı» «Maqtaraldy» 3:0 esebimen jeńdi. Úsh týrdan keıin 9 upaımen «Qyran» kósh bastap keledi. Odan keıingi oryndardaǵy «Arystyń» 6, «Aqtóbeniń» 4 upaıy bar.
Endi tórtinshi týr 24 qyrkúıekte ótkiziledi. Bul kúni «Baıqońyr» men «Altaı», «Qyran» men «Aqtóbe», «Ekibastuz» ben «Arys» komandalary kezdesedi.
Al ekinshi konferentsııada 21 qyrkúıekte «Aqjaıyq» pen «Jetisý B» komandalary teń túsip, SDıÝSShOR №8 klýby «Akademııa Ońtústikti» 3:2 esebimen jeńdi. Búgin «Atyraý» «Qaırat-Jastardan» 1:0 esebimen basym tústi.
Atalǵan týrdan keıin «Atyraý», «Akademııa Ońtústik» jáne SDıÝSShOR №8 komandalary alty upaı jınady. Komandalar alǵashqy úshtikti ózara bólisip tur.
Bul konferentsııada tórtinshi týr 24, 25 qyrkúıekte bolady. Atalǵan týrda 24 qyrkúıekte «Shahter-Bolat» pen SDıÝSShOR №8 klýbymen kezdesse, 25 qyrkúıekte «Akademııa Ońtústik» pen «Atyraý» , «Qaırat-Jastar» men «Aqjaıyq» sheberlik baıqasady.
