Fýtboldan birinshi lıgada «Taraz» «Turanǵa» ese jiberdi

ASTANA. QazAqparat - Fýtboldan birinshi lıga komandalary arasyndaǵy el birinshiliginiń alǵashqy týry aıaqtaldy, dep habarlaıdy QazAqparat tilshisi.

Birinshi týr oıyndary 6 jáne 7 sáýir kúnderi ótkizildi.

Atalǵan týrdaǵy negizgi kezdesýdiń biri «Taraz» (Jambyl oblysy) jáne «Turan» (Túrkistan) komandalary arasynda boldy. Byltyr eki komanda da Premer-lıgada oıyn kórsetti. Kezdesýde túrkistandyq klýb 1:0 esebimen jeńiske jetti.

Búgin, 7 sáýirde «Arys» (Túrkistan oblysy) óz alańynda «Han táńiri» (Almaty) komandasynan 1:3, «Jas Qyran» (Almaty) «Turkistan» (Túrkistan), «Astana jastary» «Aqtóbe jastarynan» 2:3 esebimen jeńilip qaldy.

Al 6 sáýirde «Ońtústik akademııasy» (Shymkent) «Jeńis» (Astana) komandasynan 1:3, «Qaırat-Jastar» (Almaty) «Ekibastuz» (Pavlodar oblysy) klýbyn 5:2 esebimen tize búktirdi.

Sondaı-aq, «Aqjaıyq» (Oral) pen «Elimaı» (Semeı) 1:1 esebimen qanaǵat bildirdi.

Endi ekinshi týr oıyndary 13 jáne 14 sáýir kúnderi ótkiziledi.