Fýtboldan birinshi lıgada «Taraz» qatarynan besinshi márte jeńildi

ASTANA. QazAqparat - Fýtboldan birinshi lıga komandalary arasyndaǵy el birinshiliginde «Taraz» komandasy qatarynan besinshi márte jeńildi, dep habarlaıdy QazAqparat tilshisi.

Ótken jyly tarazdyq klýb qarjylyq jaǵdaıyna baılanysty Premer-lıgada oınaýdan bas tartyp, birinshi lıgada baq synaýǵa nıet bildirdi. Komanda quramynan tájirıbeli fýtbolshylar ózge klýbtarǵa aýysyp, olardyń ornyn jergilikti jastar basqan edi.

Tarazdyq klýb birinshi lıgada sátsiz oıyn kórsetip keledi. Qazirge deıin segiz týrdyń nebári ekeýinde jeńiske jetse, qalǵanynda qarsylastaryna ese jiberip qoıdy. Olar segizinshi týrda syrt alańda Shymkenttiń «Qyran» komandasyna 0:2 esebimen jol berdi. Saldarynan týrnır kestesinde on úshinshi oryndy mise tutyp tur.

Sondaı-aq, 19 mamyrda ótken segizinshi týrdyń alǵashqy oıyn kúninde shymkenttik «Ońtústik akademııasy» almatylyq «Jas Qyrandy» 5:4, Pavlodar obylsynyń «Ekibastuzy» «Aqtóbe jastardy» 3:0 esebimen jeńse, almatylyq «Han Táńiri» men «Túrkistan» 0:0 esebine qanaǵat bildirdi.

Endi 20 mamyrda «Jeńis» (Astana) pen «Turan» (Túrkistan), «Arys» (Túrkistan oblysy) men «Astana jastary», «Qaırat-Jastar» (Almaty) men «Aqjaıyq» (Oral) kezdesedi.

Eske salsaq, birinshi lıgada týrnır kestesinde kósh basynda «Elimaı» komandasy keledi.