Fýtboldan birinshi lıgada «Oqjetpes» pen «Qyran» upaı joǵaltty
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on tórtinshi týrynda úsh oıyn ótkizildi dep habarlaıdy QazAqparat tilshisi.
Kósh basynda kele jatqan Kókshetaýdyń «Okjetpes» jáne Shymkenttiń «Qyrany» óz alańynda upaı joǵaltty.
Kókshetaýlyq komanda elordalyq «Jeńis» komandasymen 1:1 esebine qanaǵat bildirdi.
Al «Qyran» qyzylordalyq «Baıqońyrmen» 0:0 esebimen teń tústi.
Sondaı-aq, búgin Jambyl oblysynyń «Taraz-Qarataýy» óz alańynda «Ekibastuzǵa» 2:5 esebimen ese jiberdi.
Endi 31 shildede «Shahter-Bolat» (Qaraǵandy) jáne «Akademııa Ońtústik» (Shymkent), 1 tamyzda «Qaırat-Jastar» (Almaty) men «Igilik» (Jambyl oblysy) komandalary sheberlik baıqasady.
Oǵan qosa 24 tamyzda «Astana jastar» (Nur-Sultan) jáne «Jetysý» (Taldyqorǵan), «Qaısar» (Qyzylorda) men «ıAssy» (Túrkistan) komandalary oınaıdy.
Eske salsaq, budan buryn fýtboldan Qazaqstan kýbogynda «Aqtóbe» men «Taraz» teń tústi.
