Fýtboldan birinshi lıgada «Oqjetpes» pen «Qaısar» kósh basynda keledi
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń tórtinshi týry máresine jetti, dep habarlaıdy QazAqparat tilshisi.
Tórt týrdan keıin ázirge Kókshetaýdyń «Oqjetpesi» men Qyzylordanyń «Qaısary» upaı joǵaltqan joq.
Búgin «Oqjetpes» syrt alańda Shymkenttiń «Ońtústik Akademııa» komandasyn 1:0 esebimen súrindirse, «Qaısar» óz alańynda Qaraǵandynyń «Shahter -Bolatynan» 4:0 esebimen basym tústi.
Atalǵan týrdaǵy ózge oıyndardyń nátıjesi mynadaı:
«Igilik» (Jambyl oblysy) - «Ekibastuz» (Pavlodar oblysy) 1:0
«Jetisý» (Taldyqorǵan) - «Qyran» (Shymkent) 0:1
«Jeńis» (Nur-Sultan) - «Taraz-Karataý» (Jambyl oblysy) 1:1
«ıAssy» (Túrkistan) — «Astana M» (NurSultan-) 6:0
Erteń, 9 mamyrda «Baıqońyr» (Qyzylorda) men «Qaırat-Jastar» (Almaty) komandalary tórtinshi týrdy túıindeıdi.
Atalǵan týrdan keıin ázirge upaı joǵaltpaǵan «Oqjetpes» pen «Qaısar» kósh basynda keledi.
Endi besinshi týr oıyndary 13, 14, 15 mamyr kúnderi ótkiziledi.
Eske salsaq, budan buryn Premer-lıga komandalary arasyndaǵy Qazaqstan birinshiliginiń onynshy týry máresine jetkenin habarlaǵan bolatynbyz.
