Fýtboldan birinshi lıgada «Oqjetpes» kósh bastady
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on úshinshi týry máresine jetti, dep habarlaıdy QazAqparat tilshisi.
Kósh basynda kele jatqan Kókshetaýdyń «Oqjetpesi» búgin syrt alańda Pavlodar oblysynyń «Ekibastuz» komandasyn 1:0 esebimen súrindirdi. Nátıjesinde týrnır kestesinde 31 upaımen birinshi ornyn saqtap qaldy.
Odan keıingi oryndaǵy Shymkenttiń «Qyrany» Almatyda «Qaırat-jastardy» 3:0 esebimen oısyrata jeńdi. Atalǵan klýb 29 upaımen ekinshi orynǵa ornyqty.
Sondaı-aq, Jambyl oblysynyń «Taraz-Qarataý» klýby sol óńirdiń taǵy bir ókili «Igilikti» 1:0, elordalyq «Jeńis» qaraǵandylyq «Shahter-Bolatty» 4:1, «Astana jastar» qyzylordalyq «Baıqońyrdy» 3:1, shymkenttik «Akademııa Ońtústik» túrkistandyq «ıAssyny» 3:2 esebimen jeńdi.
Atalǵan týrdaǵy taǵy bir oıynda 12 shildede Taldyqorǵannyń «Jetisýy» qyzylordalyq «Qaısardan» 2:1 esebimen basym túsken edi.
Endi 14-týr oıyndary 30, 31 shilde jáne 24 tamyz kúnderi ótedi.
