Fýtboldan birinshi lıgada «Oqjetpes» kósh bastady
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on ekinshi týry oıyndary ótkizildi, dep habarlaıdy QazAqparat tilshisi.
Kókshetaýdyń «Oqjetpesi» óz alańynda Almatynyń «Qaırat-jastaryn» 3:2 esebimen jeńdi. Nátıjesinde 28 upaımen týrnır kestesinde birinshi orynǵa kóterildi.
Budan buryn kósh basynda kele jatqan Qyzylordanyń «Qaısary» 26 upaımen ekinshi orynǵa yǵysty. Qyzylordalyq fýtbolshylar atalǵan týrda 29 maýsymda óz adańynda elordalyq «Jeńisti» 2:0 esebimen jeńgen edi. Sol kúni taldyqorǵandyq «Jetisý» syrt alańda túrkistandyq «ıAssy» komandasyna 1:2 esebimen jol berdi.
Shymkenttik «Qyran» óz alańynda Jambyl oblysynyń «Taraz-Qarataý» komandasyn 3:0 esebimen jeńip, úzdik úshtikti túıindep tur.
Sondaı-aq, «Igilik» (Jambyl oblysy) óz alańynda «Akademııa Ońtústikke» 1:2 esebimen jeńilse, qaraǵandylyq «Shahter-Bolat» qyzylordalyq «Baıqońyrdy 4:1 elordalyq «Astana-jastar» «Ekibastuzdy» 3:0 esebimen jeńdi.
Eske salsaq, budan buryn birinshi lıgada «Jetisý» «Qaısardan» basym tústi.
