Fýtboldan birinshi lıgada «Qyran» elorda klýbynan jeńilip qaldy
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on besinshi týr oıyndary ótkizildi, dep habarlaıdy QazAqparat tilshisi.
Bul týrda úzdik úshtikte kele jatqan Shymkenttiń «Qyrany» syrt alańda elordanyń «Jeńisine» 0:1 esebimen jol berdi.
Osylaısha shymkenttik klýb oılamaǵan jerden úsh upaı joǵaltyp aldy. Týrnır kestesinde ekinshi oryndy saqtap qalǵanymen Premer-lıgaǵa shyǵý jaǵdaıyn birshama qıyndatty.
Sondaı-aq atalǵan týrda Túrkistannyń «ıAssy» komandasy Qaraǵandynyń «Shahter-Bolatyn» 4:1, Shymkenttiń «Akademııa Ońtústik» klýby elordanyń «Astana jastaryn» 5:3 esebimen jeńdi.
Al Qyzylordada «Baıqońyr» Jambyl oblysynyń «Taraz-Qarataý» komandasymen 1:1 esebimen teń tússe, Pavlodar oblysynyń «Ekibastuzy» Almatynyń «Qaırat jastaryna» 0:3 esebimen jol berdi.
Atalǵan týrdaǵy «Igilik» (Jambyl oblysy) pen «Qaısar» (Qyzylorda), «Jetisý» (Taldyqorǵan) men «Oqjetpes» (Kókshetaý) oıyndary 4 qazanǵa belgilengen.
Eske salsaq, 6 tamyzda Qazaqstan kýbogynda ekinshi oıyn kúni ótti.
