Fýtboldan birinshi lıgada «Qaısar» kósh bastady
QYZYLORDA. QazAqparat - Fýtboldan birinshi lıga komandalary arasyndaǵy Qazaqstan birinshiliginiń on birinshi týrynyń aldyn-ala eki oıyny ótti, dep habarlaıdy QazAqparat tilshisi.
Alǵashqy kezdesýde «Qaısar» Qyzylordada osy qalanyń «Baıqońyr» komandasymen baq synasty. Týrnır kestesinde «Qaısar» birinshi orynda kele jatsa, «Baıqońyr» sońǵy oryndy mise tutty.
Búgingi oıynda «Qaısar» sapynan Eljas Altynbekov (5-mınýt), Kırıll Sıdorenko (11-mınýt), Dıdar Jalmuqan (73-mınýt), Adama Dıallo (81, 90-mınýttar) mergendik tanytty. Nátıjesinde olar qarsylasyn 5:0 esebimen tize búktirdi. Bul - «Qaısardyń» bıylǵy dop dodasyndaǵy jetinshi jeńisi.
Taǵy bir kezdesýde Taldyqorǵannyń «Jetisýy» óz alańynda Shymkenttiń «Ońtústik Akademııa» klýbyna 2:3 esebimen jol berdi.
Atalǵan týrdaǵy qalǵan oıyndar 9 shildege belgilengen.
Endi 8-týr oıyndary 18-19 maýsym kúnderi ótedi.
Eske salsaq, budan buryn fýtboldan Qazaqstan kýbogy oıyndarynyń kestesi jarııalandy.
