Fýtboldan birinshi lıgada «Qaısar» qarsylasyn iri eseppen jeńdi
QYZYLORDA. QazAqparat – Fýtboldan birinshi lıga komandalary arasyndaǵy el birinshiliginiń 23-týry máresine jetti, dep habarlaıdy QazAqparat tilshisi.
Atalǵan týrdy Qyzylordada jergilikti «Qaısar» jáne «Baıqońyr» komandalary túıindedi.
Týrnır kestesinde «Qaısar» ekinshi orynda keledi. Premer-lıgaǵa joldama alýdy kózdep otyrǵan komanda árbir týrda jeńiske jetýge bar kúshin salyp keledi. Bul joly da sol úrdisinen jańylǵan joq.
Oıyn barysynda «Qaısar» sapynan Artem Dylevskıı, Elızeı Gorızanov, Ádilbek Jumahanov, Joao Pedro Olıveıra mergendigimen kózge tústi.
Osylaısha «Qaısar» qarsylasyn 4:0 esebimen tize búktirdi.
Sondaı-aq, kósh bastap kele jatqan Kókshetaýdyń «Oqjetpesi» atalǵan týrda óz alańynda Jambyl oblysynyń «Taraz-Qarataýyn» 6:1 esebimen súrindirse, úshinshi oryndaǵy Taldyqorǵannyń «Jetisýy» syrt alańda Shymkenttiń «Akademııa Ońtústikti» 6:0 esebimen jeńdi.
Al Jambyl oblysynyń «Igiligi» Shymkenttiń «Qyranynan», Túrkistannyń «ıAssy» klýby Astananyń «Jeńisinen» 2:1 esebimen basym tússe, «Shahter-Bolat» (Qaraǵandy) men «Ekibastuz» (Pavlodar oblysy) 2:2 esebine qanaǵat bildirdi.
Atalǵan týrdaǵy «Astana jastar» men «Qaırat-Jastar» kezdesýi 17 qazanda ótkiziledi.
Endi 24 týr oıyndary 21 jáne 22 qazan kúnderi bolady.
Eske salsaq, budan buryn fýtboldan el birinshiliginde «Astana» «Qaıratty» oısyrata jeńdi.
