Fýtboldan birinshi lıgada «Qaısar» ekinshi orynǵa kóterildi
NUR-SULTAN. QazAqparat - Búgin fýtboldan birinshi lıga komandalary arasyndaǵy el birinshiliginiń 14-týrynyń keıinge qaldyrylǵan eki oıyny ótkizildi, dep habarlaıdy QazAqparat tilshisi.
Alǵashqy oıynda elordada jergilikti «Jeńis» komandasymen kezdesken Taldyqorǵannyń «Jetisýy» 1:0 esebimen jeńiske jetti. Kezdesý barysynda Baýyrjan Turysbek 86-mınýtta mergendik tanytty.
Nátıjesinde «Jetisý» qatarynan tórt márte jeńiske jetip, týrnır kestesindegi jaǵdaıyn jaqsartyp aldy. Qazir taldyqorǵandyq klýb 23 upaımen jetinshi orynda keledi.
Búgingi taǵy bir kezdesýde Qyzylordanyń «Qaısary» óz alańynda Túrkistannyń «ıAssy» komandasyn qabyldady.
Oıyn barysynda qyzylordalyq klýbtan Dıdar Jalmuqan 11 Mamadý Dıallo 30, 35, 68-mınýttarda mergendik tanytty. Oǵan «ıAssy» sapynan Alekseı Mıhaılov 70, Aıbol Jaqaev 91-mınýttarda eki golmen jaýap qaıyrdy.
Osylaısha «Qaısar» qarsylasyn 4:2 esebimen tize búktirdi. Nátıjesinde týrnır kestesinde 32 upaımen ekinshi orynǵa kóterildi.
Bes oıynda qyzylordalyq klýb ala-qula oıyn kórsetip júr. Nebári eki márte jeńiske jetip, úsheýinde qarsylasyna ese jiberdi. Sondyqtan búgingi oıynda olar úshin jeńis aýadaı qajet bolatyn.
Endi aldaǵy týr oıyndary 27 jáne 28 tamyz kúnderi ótedi.
Eske salsaq, fýtboldan el birinshiliginde árbir týr belgili ardagerlerge arnalady.
