Fýtboldan birinshi lıgada «Qaısar» alǵash ret jeńildi
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan birinshiliginiń toǵyzynshy týry márege jetti, dep habarlaıdy QazAqparat tilshisi.
Kósh basynda kele jatqan qyzylordalyq «Qaısar» atalǵan týrda kútpegen jerden almatylyq «Qaırat-jastar» komandasyna 1:2 esebimen jol berdi.
Al taldyqorǵandyq «Jetisý» syrt alańda elordalyq «Jeńiske» 0:3 esebimen jeńilip qaldy.
Kókshetaýlyq «Oqjetpes» óz alańynda Jambyl oblysynyń «Igilik» komandasyn 5:0 esebimen súrindirdi.
Sondaı-aq, atalǵan týrda shymkenttik «Qyran» «Astana-jastaryn» 6:1 esebimen tize búktirse, Jambyl oblysynyń «Taraz-Qarataýy» qaraǵandylyq «Shahter-Bolatty» 2:1 esebimen jeńdi.
Óz alańynda qyzylordalyq «Baıqońyr» Shymkenttiń «Ońtústik akademııa» klýbyna 0:3 esebimen ese jiberse, «Ekibastuz» ben «ıAssy» 3:3 esebine qanaǵat bildirdi.
Eske salsaq, budan buryn Aıbol Ábiken dopıngke baılanysty fýtboldan úsh jylǵa shettetildi.
Sondaı-aq fýtboldan el birinshiliginde «Ordabasy» syrt alańda jeńiske jetken bolatyn.
