Fýtboldan birinshi lıgada «Elimaı» «Turannan» tórt upaıǵa uzap ketti
ASTANA. QazAqparat – Fýtboldan birinshi lıga komandalary arasynda Qazaqstan chempıonatynda Semeıdiń «Elimaıy» tórtinshi márte jeńiske jetti, dep habarlaıdy QazAqparat tilshisi.
Semeılik klýb syrt alańda elordanyń «Astana-2» komandasyn 4:0 esebimen tize búktirdi. Osylaısha qatarynan tórtinshi márte jeńiske jetken olar týrnır kestesinde birinshi orynda keledi. Ekinshi oryndaǵy Túrkistannyń «Turanynan» tórt upaıǵa uzap ketti.
Al almatylyq «Jas Qyran» «Aqtóbe-2» komandasyn 1:0, «Taraz» «Túrkistandy» 4:3 esebimen súrindirdi.
Sondaı-aq, 15-týrda 20 shildede Túrkistan oblysynyń «Arysy» óz alańynda elordalyq «Jeńiske» 0:2 esebimen jol berdi.
Al Almatynyń «Qaırat jastary» taǵy bir almatylyq ujym «Han táńirin» 3:1, Shymkenttiń «Qyrany» sol qalanyń «Ońtústik akademııasyn» 1:0 esebimen jeńdi.
Al Oraldyń «Aqjaıyǵy» Pavlodar oblysynyń «Ekibastuzyn» 4:1 esebimen tize búktirdi.
