Fýtboldan birinshi lıgada «Elimaı» kósh basyna shyqty

ASTANA. QazAqparat - Fýtboldan birinshi lıga komandalary arasynda el birinshiliginiń 13-týrynda semeılik «Elimaı» qaıtadan kósh basyna shyqty, dep habarlaıdy QazAqparat tilshisi.

Bul joly semeılik klýb óz alańynda Shymkenttiń «Ońtústik akademııasyn» 5:2 esebimen tize búktirdi. Olardyń qatarynan Beka Kavtaradze 10, 36, Alen Aımanov 57, Maksım Jıtnev 61, Arman Núsip 93-mınýtta gol soqsa, oǵan shymkenttik klýbtan Shadman Bákirov 50, Álı Turǵanov 82-mınýtta eki golmen jaýap qaıyrdy.

Atalǵan jeńistiń nátıjesinde «Elimaı» týrnır kestesinde qaıtadan birinshi orynǵa kóterildi.

Taǵy bir kezdesýde almatylyq «Han-Táńiri» óz alańynda elordalyq «Jeńisten» 3:2 esebimen basym tústi.

Atalǵan týrda 30 maýsymda «Aqtóbe jastary» bul joly Túrkistan oblysynyń «Arysyn» 5:1 esebimen jeńse, Pavlodar oblysynyń «Ekibastuzy» óz alańynda Shymkenttiń «Qyranyna» 1:2 esebimen jol berse, «Taraz» ben «Astana-2» komandalary 1:1 esebine qanaǵat bildirdi.

Sondaı-aq, 29 maýsymda «Túrkistan» óz alańynda «Qaırat-jastarymen» 1:1 esebimen teń tússe, «Turan» «Aqjaıyqty» 3:1 esebimen tize búktirdi.