Fýtboldan birinshi lıgada «Elimaı» kósh bastady

ASTANA. QazAqparat - Búgin fýtboldan birinshi lıga komandalary arasyndaǵy el birinshiliginiń 4-týry máresine jetti, dep habarlaıdy QazAqparat tilshisi.

Bul týrda kósh basynda kele jatqan komandalar súringen joq. Semeıdiń «Elimaı» klýby óz alańynda «Tarazdy» 1:0 esebimen jeńse, «Turan» syrt alańda «Aqtóbe-jastardan» 6:1 esebimen basym tústi.

Atalǵan týrda «Ekibastuz» (Pavlodar oblysy) ben «Jas Qyran» (Almaty) 2:2 esebimen teń oınasa, «Han táńiri» (Almaty) «Astana jastardy» 4:0, «Qyran» (Shymkent) «Qaırat jastardy» 4:3, «Jeńis» (Astana) «Aqjaıyqty» (Oral) 2:1 esebimen tize búktirdi.

Al «Ońtústik Akademııasy» (Shymkent) «Arys» (Túrkistan oblysy) komandasyna 2:5 esebimen jol berdi.

Endi besinshi týr oıyndary 4 jáne 5 mamyr kúnderi ótkiziledi.