Fýtboldan birinshi lıgada «Elimaı» qatarynan toǵyzynshy márte jeńiske jetti

ASTANA. QazAqparat – Fýtboldan birinshi lıga komandalary arasynda el chempıonatynda Semeıdiń «Elimaıy» qatarynan toǵyzynshy márte jeńiske jetti, dep habarlaıdy QazAqparat tilshisi.

Semeılik klýb 21-týrda óz alańynda «Elimaı-2» komandasynan 3:1 esebimen basym tústi. Olardyń qatarynan Erkebulan Nurǵalıev 61-mınýttaǵy qos goldyń avtory atansa, Arman Smaıylov 73-mınýtta mergendik tanytty.

Oǵan aqtóbelik klýbtan Rústem Ǵabdrahmanov 45-mınýtta bir golmen jaýap qaıyrdy.

Osylaısha «Elimaı» qatarynan toǵyzynshy márte jeńisk jetip, týrnır kestesindegi jaǵdaıyn jaqsarta tústi. Basty qarsylasy Túrkistannyń «Turanynan» toǵyz upaı alda tur. Dese de olardan bir oıyny artyq.

Túrkistandyq klýb atalǵan týrda syrt alańda Almatynyń «Han táńiri» klýbymen 0:0 esebimen teń oınady.

Sondaı-aq óz alańynda «Arys» «Aqjaıyqtan» 0:2, «Ońtústik akademııasy», «Astana jastardan» 2:4 esebimen jeńilse, «Ekibastuz» ben «Túrkistan» 2:2, «Jeńis» pen «Taraz» 1:1 esebimen teń oınady.

Al «Qyran» «Jas Qyrandy» 3:2 esebimen tize búktirdi.

Endi 22-týr oıyndary 31 tamyz jáne 1 qyrkúıek kúnderi ótkiziledi.

Eske salsaq, Baktıer Zaınýtdınov «Beshıktash» sapyndaǵy alǵashqy oıynyn ótkizip, birinshi golyn soqty.