Fýtboldan birinshi lıgada «Elimaı» alǵashqy jeńisine qol jetkizdi
ASTANA. QazAqparat - Fýtboldan birinshi lıga komandalary arasyndaǵy el birinshiliginiń ekinshi týry aıaqtaldy, dep habarlaıdy QazAqparat tilshisi.
Atalǵan týrda Semeıdiń «Elimaı» komandasy óz alańynda Astananyń «Astana-2» klýbyn 6:0 esebimen tize búktirdi. Olar alǵashqy týrda Oralda jergilikti «Aqjaıyqpen» 1:1 esebimen teń túsken edi.
Osylaısha alǵashqy eki týrda tórt upaı enshilegen semeılikter týrnır kestesinde ekinshi orynǵa jaıǵasty. Birinshi orynda eki oıynda da jeńiske jetken «Aqtóbe-2» komandasy keledi. Aqtóbelik klýb ekinshi týrda Almatynyń «Jas Qyranyn» 2:1 esebimen tize búktirdi.
Ekinshi týrdaǵy oıyn nátıjeleri tómendegishe:
«Jeńis» (Astana) - «Arys» (Túrkistan oblysy) 0:1
«Han táńiri» (Almaty) - «Qaırat-Jastar» (Almaty) 1:1
«Qyran» (Shymkent) - «Akademııa Ońtústik» (Shymkent) 2:1
«Elimaı» (Semeı) - «Astana-2» 6:0
«Turkistan» (Túrkistan) - «Taraz» 0:5
«Ekibastuz» (Pavlodar oblysy) - «Aqjaıyk» (Oral) 1:3
«Aqtóbe-2» - «Jas Qyran» (Almaty) 2:1
Endi úshinshi týr oıyndary 21, 22, 23 sáýir kúnderi ótkiziledi.
