Fýtboldan birinshi lıgada alǵashqy aınalym aıaqtaldy
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan chempıonatynda alǵashqy aınalym máresine jetti, dep habarlaıdy QazAqparat tilshisi.
Esterińizge sala ketelik, komandalar eki konferentsııa boıynsha synǵa túsip jatyr. Ekeýinde de jeti-jetiden komanda bar.
Birinshi konferentsııada jetinshi týrda «Baıqońyr» «Ekibastuzdan», «Arys» «Maqtaraldan» - 2:1, «Aqtóbe» «Altaıdan» - 2:0 esebimen basym tústi. Kósh basynda 14 upaımen «Aqtóbe» keledi.
Odan keıingi oryndardaǵy «Qyrannyń» - 13, «Arystyń» - 10, «Maqtaraldyń» - 7, «Altaı» men «Ekibastuzdyń» bes-besten upaıy bar. Al «Baıqońyr» 4 upaımen kósh sońynda tur.
Ekinshi konferentsııada jetinshi týrda «Atyraý» «Aqjaıyqty», «Qaırat-Jastar» «Shahter-Bolatty» - 1:0, «Jetisý B» SDıÝSShOR №8 klýbyn 2:1 esebimen jeńdi.
Týrnır ketesinde alǵashqy úshtikte «Atyraý» - 16, «Aqjaıyq» - 11, SDıÝSShOR №8 klýby - 10 upaımen keledi.
Odan keıingi oryndardaǵy «Akademııa Ońtústikte» - 9, «Jetisý B» klýbynda - 8, «Qaırat-Jastarda» - 4, «Shahter-Bolatta» - 1 upaıdan bar.
