Fýtboldan birinshi lıgada «Aqjaıyq» pen «Elimaı» komandalary teń tarqasty
ORAL. QazAqparat – Fýtboldan birinshi lıga komandalary arasynda Qazaqstan chempıonatynyń alǵashqy týrynda Oraldyń «Aqjaıyǵy» óz alańynda Semeıdiń «Elimaı» komandasyn qabyldady, dep habarlaıdy QazAqparat tilshisi.
Beldi oıynshylarmen jasaqtalǵan qos klýb ta premer-lıgaǵa shyǵýdy maqsat etip qoıǵan-dy. Sondyqtan olardyń birinshi lıganyń favorıtteri sanalýy zańdy edi.
Birinshi taımda komandalar alma-kezek shabýyldaǵanymen, esep ashylǵan joq.
Ekinshi kezeńde 65-mınýtta «Aqjaıyqtyń» Qazaqstan kýbogi úshin 4 oıynynda 13 gol soǵyp, surmergen atanǵan Arman Smaılov esep ashty. Alaıda ile-shala, 68-mınýtta qonaqtardan Berik Aıtbaev tarazy basyn teńestirip ketti – 1:1. Budan keıin de match tartysty órbigenimen, esep ózgergen joq. Tipti oıyn sońynda «Elimaıdyń» bir fýtbolshysy alańnan qýylsa da, Igor Prohnıtskıı jattyqtyratyn oraldyqtar bul múmkindikti paıdalana almady.
Sondaı-aq bul kúni taǵy bir básekede «Akademııa Ońtústik» óz alańynda astanalyq «Jeńiske» ese jiberdi – 1:3.
Eske sala keteıik, budan buryn fýtboldan birinshi lıga komandalary arasyndaǵy el birinshiligi bastalatynyn jazǵan edik.
