Fýtboldan birinshi lıgada «Aqtóbe jastary» «Arystan» basym tústi

ASTANA. QazAqparat - Fýtboldan birinshi lıga komandalary arasynda el birinshiliginiń 13-týrynyń ekinshi oıyn kúni máresine jetti, dep habarlaıdy QazAqparat tilshisi.

Týrnır kestesinde sońǵy orynnyń birinde kele jatqan «Aqtóbe jastary» bul joly Túrkistan oblysynyń «Arysyn» 5:1 esebimen tas-talqan etip jeńdi. «Arys» týrnır kestesinde ortańǵy jaǵynda keledi. Soǵan qaramastan olar búgin «Aqtóbe jastaryna» qarsy tura alǵan joq.

Bul kúni taǵy bir kezdesýde Pavlodar oblysynyń «Ekibastuzy» óz alańynda Shymkenttiń «Qyranyna» 1:2 esebimen jol berdi.

Al «Taraz» ben «Astana-2» komandasy 1:1 esebine qanaǵat bildirdi.

Sondaı-aq, 29 maýsymda «Túrkistan» óz alańynda «Qaırat-jastarymen» 1:1 esebimen teń tússe, «Turan» «Aqjaıyqty» 3:1 esebimen tize búktirdi.

Endi 1 shildede «Han-Táńiri» (Almaty) men «Jeńis» (Astana), «Elimaı» (Semeı) men «Ońtústik akademııasy» (Shymkent) sheberlik baıqasady.