Fýtboldan bir matchta 17 oıynshy alańnan qýyldy
ASTANA. 30 qazan. QazAqparat - Fýtboldan Ýrýgvaı chempıonatynyń 9 týrynda «Ýonderers» pen «Hýventýd» komandalarynyń arasyndaǵy match tóbelespen aıaqtaldy, dep habarlaıdy Eurosport.
Oıyn óte qyzyqty órbip jatty - «Ýonderers» eki ret alǵa shyqty, alaıda «Hýventýd» esepti teńestirip otyrdy, 90 mınýttan keıingi esep 3:3 boldy. Tóreshi qosqan qosymsha ýaqytta «Ýonderers» aıaqdopshylary qazydan aıyp dobyn belgileýdi talap etti. Biraq penaltı belgilengen joq.
Match bitken soń nátıjege qanaǵat tanytpaǵan oıynshylar judyryqtyń kómegine júgindi. Tóreshi Leodan Gonsales oıynshylardy sabasyna túsirý úshin eki jaqtan segiz-segizden fýtbolshyny alańnan shettetti, buǵan deıin de bir oıynshynyń alańnan qýylǵanyn eskerer bolsaq, jalpy qyzyl qaǵazdar sany 17-ge jetti.
Qos komanda basshylary aıypty fýtbolshylardy jazalaımyz dep otyr.
