Fýtboldan Belgııa quramasynyń bas bapkeri taǵaıyndaldy
ASTANA. QazAqparat - Fýtboldan Belgııa quramasynyń bas bapkeri taǵaıyndaldy, dep habarlaıdy QazAqparat tilshisi.
Bul qyzmetke nemis mamany Domenıko Tedesko keldi. Ol atalǵan qyzmetti 2024 jylǵy Eýropa chempıonatynyń irikteý jáne fınaldyq satysy bitkenshe atqara alady. Joǵary nátıjege qol jetkizgen jaǵdaıda ol quramany 2026 jylǵy álem chempıonatyna da daıyndaı alady.
Domenıko Tedesko 1985 jyly dúnıege kelgen. Germanııa chempıonatynda tómengi lıgalardaǵy komandalarda oıyn kórsetti. 2008 jyly bapkerlikke bet buryp, Germanııanyń kóptegen klýbtarynda eńbek etti.
2019-2021 jyldar aralyǵynda Reesıdiń «Spartak» (Máskeý) klýbynda qyzmet atqarsa, 2021-2022 jyldarda Germanııanyń «RB Leıptsıg» klýbynda jetekshilik etti.
Belgııa quramasy 2024 jylǵy Eýropa chempıonaty irikteý satysynda F tobynda synǵa túsedi.
Buǵan deıin Belgııa quramasynda 2016-2022 jyldarda eńbek etken Roberto Martınes Qatarda ótken álem chempıonatynan keıin qyzmetinen ketti.
Eske salsaq, budan buryn Argentına bastaǵan tórt memleket 2030 jylǵy álem chempıonatyn ótkizýge ótinim berdi.
Foto: GOLÝBOVICh DMITRII, «ChEMPIONAT»
