Fýtboldan balalar birinshiligi: FFA komandasy úzdik úshtikte
ASTANA. QazAqparat - Astanada balalar fýtbol mektepteri arasyndaǵy birinshiliktiń kezekti týry ótti. Balalar úsh jas ereksheligi boıynsha synǵa tústi - 2008, 2007 jáne 2006 jyldar, dep habarlaıdy QazAqparat Astana fýtbol federatsııasyna silteme jasap.
2008 jyl.
«Astana-2» komandasy basty básekelesteriniń biri №8 sport mektebiniń ekinshi komandasyn 5:0 esebimen oısyrata jeńip, týrnır kestesinde ózgelerden birshama uzap ketti. Ekinshi oryndy «Astana-1» komandasy ustap tur. Al úzdik úshtikke Astana fýtbol federatsııasynyń Aleksandr Chernıkov jattyqtyratyn «FFA» komandasy kóterildi. Olar bul týrda «Qýat» fýtbolshylaryn 5:2 esebimen jeńdi.
№8 BJSMOR-2 - Astana-2 0:5
Qýat - FFA 2:5
№8 BJSMOR-1 - Eagles Astana 3:2
2008 jylǵy baldyrǵandar birinshiliginiń týrnır kestesimen myna silteme boıynsha tanysa alasyzdar.
2007 jyl.
2007 jylǵy balalar arasyndaǵy birinshiliktiń 5-shi týrynda «Pro fýtbol» shákirtterin 7:2 esebimen tizerletken «Astana-1» komandasy týrnır kestesinde jeke-dara kósh bastady. Degenmen, olardy da ókshelep kele jatqan komandalar bar. «Astana» fýtbol ortalyǵynyń ekinshi komandasy osy týrda Astana fýtbol federatsııasynyń «BFO» komandasymen kezdesýleri kerek edi, alaıda bul oıyn keıinge shegerildi. Esesine «Everestti» 6:1 esebimen oısyrata jeńgen №8 BJSMOR-1 komandasy kóshbasshyǵa jaqyndaı tústi. Al «Arlandar» men «№8 BJSMOR-2» komandalary arasyndaǵy oıyn 5:5 esebimen teń aıaqtaldy.
PRO fýtbol - Astana-1 2:7
№8 BJSMOR-1 - Everest 6:1
Arlandar - №8 BJSMOR-2 5:5
2007 jylǵy balalar birinshiliginiń týrnır kestesimen myna silteme boıynsha tanysa alasyzdar.
2006 jyl.
2006 jylǵy jetkinshekter arasyndaǵy birinshilikte barlyǵy 10 komanda. Ortalyq kezdesý «Astana-1» men «Dınamo» arasynda ótti. Buǵan deıin «dınamolyqtar» týrnır kestesinde kósh bastap kele jatqan bolatyn. Alaıda, ózara oıynda «Astana» fýtbol ortalyǵynyń birinshi komandasy qarsylasyna esh aıla qaldyrmastan 5:1 esebimen oısyrata jeńdi. Osylaısha «Dınamo» osy maýsymdaǵy birinshi jeńilisine ushyrap, týrnır kestesinde birden úshinshi orynǵa túsip qaldy. Al kósh basyna «Astana» fýtbol ortalyǵynyń ekinshi komandasy shyqty. Olar bul joly Aleksandr Chernıkovtiń «FFA» komandasyn oısyrata utyp, FFA qaqpasyna jaýapsyz segiz gol soqty. Sondaı-aq, «Everest» te týrnır kestesinde joǵary órlep keledi. Osy maýsymnyń basty aýtsaıderleriniń biri «Favorıtti» bir gol aıyrmashylyǵymen 3:2 etip utty. Al «Lıder» osy maýsymdaǵy úshinshi jeńisine qol jetkizip, «Qýattyń» qýatsyzdyǵyn paıdalaný arqyly týrnır kestesinde úshinshi orynǵa kóterildi.
Dınamo - Astana-1 1:5
Astana-2 - FFA 8:0
Everest - Favorıt 3:2
Lıder - Qýat 2:0
2006 jylǵy jetkinshekter birinshiliginiń týrnır kestesimen myna silteme boıynsha tanysa alasyzdar.
