Fýtboldan Azııa kýbogy: Japonııa quramasy Iraktan jeńilip qaldy

ASTANA. KAZINFORM - Katarda ótip jatqan fýtboldan Azııa kýbogynda ekinshi týr oıyndary aıaqtaldy.

Bul týrda jankúıerler arasynda Japonııa quramasynyń Iraktan jeńilip qalǵany sensatsııalyq jaǵdaı retinde tirkeldi.

D tobynda synǵa túsip jatqan japonııalyq fýtbolshylar oılamaǵan jerden qarsylasyna 1:2 esebimen ese jiberdi.

Al E tobynda oınap jatqan Ońtústik Koreıa quramasy Iordanııamen kezdesýinde sońǵy mınýtta gol soǵyp, jeńilisten qutyldy. Esep 2:2.

Ekinshi týrdaǵy barlyq oıyn nátıjesi tómendegishe:

A toby: Tájikstan - Qatar 0:1, Lıvan - Qytaı 0:0
V toby: Úndistan - Ózbekstan 0:3, Sırııa - Avstralııa 0:1
S toby: Gonkong - Iran 0:1, Palestına - BAÁ 1:1
D toby: Vetnam - Indonezııa 0:1, Irak - Japonııa 2:1
E toby: Bahreın - Malaızııa 1:0, Iordanııa - Ońtústik Koreıa 2:2
F toby: Oman -Taıland 0:0, Qyrǵyzstan - Saýd Arabııasy 0:2.

Endi úshinshi týr oıyndary 22-25 qańtar aralyǵynda ótkiziledi.

Aıta ketsek, dop dodasynda saryqurlyqtaǵy 24 qurama baq synap jatyr. Olar barlyǵy 6 topqa bólingen. Oıyndar 12 qańtar men 10 aqpan aralyǵynda ótkiziledi.