Fýtboldan Azııa kýbogy: Shırek fınalǵa shyqqan barlyq qurama anyqtaldy

DOHA. KAZINFORM - Qatarda ótip jatqan fýtboldan Azııa kýbogy shırek fınalyna shyqqan barlyq qurama belgili boldy.

Jarystyń atalǵan satysynda Avstralııa, Tájikstan, Iordanııa, Qatar, Ózbekstan, Ońtústik Koreıa, Japonııa, Iran quramalary joldama aldy.

31 qańtarda shırek fınalǵa beriletin sońǵy eki joldamany Bahreın men Japonııa, Iran men Sırııa quramalary sarapqa saldy. 

Bul kúngi Bahreın men Japonııa kezdesýinde oıyn basynan qaı quramanyń basym ekeni baıqalyp turdy. Japonııalyq fýtbolshylar sapynan Rıtsý Doan 31, Takefýsa Kýbo 49, Aıase Ýeda 72-mınýtta mergendik tanytty. 

Oıynnyń 64-mınýtynda japonııalyq Dzıon Sýdzýkı óziniń qaqpasyna gol soǵyp aldy.

Osylaısha Japonııa qarsylasynan 3:1 esebimen basym túsip, shırek fınalǵa joldama aldy. 

Taǵy bir oıynda Iran men Sırııa negizgi jáne qosymsha kezeńde 1:1 esebimen teń túsip, jeńimpaz penaltı serııasynda anyqtaldy.

1/4 fınalda quramalar tómendegishe jup qurady:

2 aqpan
Tájikstan - Iordanııa
Avstralııa - Ońtústik Koreıa

3 aqpan

Qatar - Ózbekstan
Iran - Japonııa

Eske salsaq, budan buryn Azııa kýbogynda Ózbekstan quramasy shırek fınalǵa shyqty.