Fýtboldan áıelder lıgasynda «Jeńis» pen «Elimaı» teń tústi

ASTANA. KAZINFORM — Fýtboldan áıelder arasyndaǵy Qazaqstan chempıonatynyń HHІV týry máresine jetti.

Bul oıynda «Jeńis» (Astana) pen «Elimaı» (Semeı) komandalary sheberlik baıqasty. Komandalar 2:2 esebine qanaǵat bildirdi.

Ózge oıyndar nátıjesi:

«Oqjetpes» (Kókshetaý) — «Qaısar» (Qyzylorda) 0:6

«Jetisý» (Taldyqorǵan) — «Tobyl» (Qostanaı) 1:1

«Qyzyljar» (Petropavl) — «Aqtóbe» 0:3

«Atyraý» — «Ulytaý» (Jezqazǵan) 0:5

«Qaırat» (Almaty) — «Astana» 2:0

Buǵan deıin «Tomırıs-Turan» (Túrkistan) — BIІK (Shymkent) komandasymen 1:1 esebimen teń túskenin jazǵan edik. 

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol sporty mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady. 

Osylaısha «Aqtóbe» 68 upaımen kósh basynda tursa, BIІK 65 upaımen ekinshi, «Tomırıs-Turan» 57 upaımen úshinshi orynǵa taban tiredi.