Fýtboldan áıelder lıgasynda «Turan» syrt alańda jeńiske jetti
ASTANA. KAZINFORM - Fýtboldan elimizdiń áıelder lıgasy ekinshi týrynyń alǵashqy oıyn kúni ótti.
Búgin, 4 mamyrda A konferentsııasynda komandalar ózara saıysqa tústi. Byltyr el birinshiliginde úshinshi orynǵa taban tiregen túrkistandyq «Turan» bıyl da sol jetistigin qaıtalaýǵa kúsh salmaq. Olar bul týrda syrt alańda jezqazǵandyq «Ulytaý» komandasynan 4:0 esebimen basym tústi.
Sondaı-aq búgin bul konferentsııada taǵy úsh oıyn ótkizildi.
A konferentsııasy
- «Kaspıı» (Aqtaý) - «Qaısar» (Qyzylorda) 0:1
- «Ulytaý» (Jezqazǵan) - «Turan» (Túrkistan) 0:4
- «Qaırat» (Almaty) - «Ordabasy» (Shymkent) 1:2
- «Jetisý» (Taldyqorǵan) - «Atyraý» 0:1.
Endi 5 mamyrda V konferentsııasynda bes kezdesý josparlanǵan.
5 mamyr
V konferentsııasy
- «Elimaı» (Semeı) - «Tobyl» (Qostanaı)
- «Qyzyljar» (Petropavl) - «Ertis» (Pavlodar)
- «Altaı» (Óskemen) - «Shahter» (Qaraǵandy)
- «Aqtóbe» - «Astana»
- «Jeńis» (Astana) - «Oqjetpes» (Kókshetaý).
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi. A konferentsııasynda - 9 komanda, V konferentsııasynda - 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
