Fýtboldan Áıelder lıgasynda «Tomırıs-Turan» «Atyraýdy» iri eseppen jeńdi
ASTANA. KAZINFORM - Búgin fýtboldan Áıelder lıgasynda HІH týry máresine jetti.
Bul týrdaǵy eki oıyn aldyn ala ótkizilse, beseýi búgin boldy.
Úzdik úshtikte kele jatqan Túrkistannyń «Tomırıs-Turany» óz alańynda «Atyraýdy» 7:0 esebimen tize búktirdi. Nátıjesinde týrnır kestesindegi jaǵdaıyn jaqsarta tústi.
Al Petropavldyń «Qyzyljary» óz alańynda Qyzylordanyń «Qaısaryn» 2:0 esebimen jeńip, týrnır kestesinde tórtinshi orynǵa turaqtady.
Oıyn kestesi:
- «Astana» - «Jetisý» (Taldyqorǵan) 2:0
- «Qaırat» (Almaty) - «Jeńis» (Astana) 1:2
- «Qyzyljar» (Petropavl) - «Qaısar» (Qyzylorda) 2:0
- «Ulytaý» (Jezqazǵan) - «Oqjetpes» (Kókshetaý) 10:0
- «Tomırıs-Turan» (Túrkistan) - «Atyraý» 7:0
Bul týrdaǵy aldyn ala ótkizilgen oıynda Shymkenttiń BIІK klýby syrt alańda Qostanaıdyń «Tobylyn» 23:0, «Aqtóbe» Semeıdiń «Elimaıyn» 8:1 esebimen jeńdi.
Federatsııa talabymen erler klýbtarynyń janynan bıyl áıelder quramalary qurylǵan.
Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.