Fýtboldan Áıelder lıgasynda «Qaırat» úzdik úshtikke jaqyndady

  ASTANA. KAZINFORM - Fýtboldan Áıelder lıgasynda HH týrdyń bes oıyny ótti.

Bul týrdaǵy bes oıyn 1 qyrkúıekte ótkizilse, endi ekeýi 3-4 qyrkúıek kúni bolady.

Almatylyq «Qaırat» úzdik úshtikke jaqyndap keledi. Olar bul týrda syrt alańda «Atyraý» komandasyn 6:0 esebimen súrindirdi. Nátıjesinde 42 upaımen tórtikke taban tiredi. Endi almatylyq komanda aldaǵy týrlarda jınaqy qımyl kórsetse, úzdik úshtikten boı kórsetýi múmkin.

Oıyn nátıjesi:

1 qyrkúıek

«Jeńis» (Astana) - «Qyzyljar» (Petropavl) 3:0

«Oqjetpes» (Kókshetaý) - «Elimaı» (Semeı) 0:11

«Atyraý» - «Qaırat» (Almaty) 0:6

«Tobyl» (Qostanaı) - «Ulytaý» (Jezqazǵan) 0:2

«Qaısar» (Qyzylorda) - «Astana» 2:2

Endi 3 qyrkúıekte «Jetisý» (Taldyqorǵan) - BIІK (Shymkent) komandalary kezdesse, 4 qyrkúıekte «Tomırıs-Turan» (Shymkent) - «Aqtóbe» sheberlik baıqasady.

Qazir shymkenttik BIІK, «Aqtóbe», «Tomırıs-Turan» komandalary úzdik úshtikte keledi. Sondyqtan olar búgingi oıynda jeńiske jetýge bar kúshin salatyny anyq.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.