Fýtboldan Áıelder lıgasynda HVІІІ týr oıyndary ótedi

ASTANA. KAZINFORM — Bul týrdaǵy bir oıyn aldyn ala ótkizilse, altaýy búgin bolady.Qazir shymkenttik BIІK, «Aqtóbe», «Tomırıs-Turan» komandalary úzdik úshtikte keledi.

Sondyqtan olar búgingi oıynda jeńiske jetýge bar kúshin salatyny anyq.

Oıyn kestesi:

«Atyraý» — «Aqtóbe»
«Jeńis» (Astana) — «Tomırıs-Turan» (Túrkistan)
«Elimaı» (Semeı) — «Ulytaý» (Jezqazǵan)
«Jetisý» (Taldyqorǵan) — «Qyzyljar» (Petropavl)
«Tobyl» (Qostanaı) — «Astana»
«Qaısar» (Qyzylorda) — «Qaırat» (Almaty)

Bul týrdaǵy aldyn ala ótkizilgen oıynda shymkenttiń BIІK (Shymkent) syrt alańda Kókshetaýdyń «Oqjetpesin» 18:0 esebimen jeńdi. 

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.

Aıta ketsek, budan buryn BIІK klýby syrt alańda Semeıdiń «Elimaı» komandasyn 7:1 esebimen jeńip, týrnır kestesinde birinshi orynǵa kóterildi.