Fýtboldan áıelder lıgasynda BIІK kósh basyna shyqty

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń HHІІ týrynyń alǵashqy oıyn nátıjesi belgili boldy.

Shymkenttik BIІK klýby syrt alańda astanalyq «Jeńis» komandasymen kezdesti. 

Bıylǵy birinshilikte bas júldege qol jetkizýdi aldyna maqsat etip otyrǵan shymkenttik komanda bul joly da súringen joq. Alań ıeleri qaqpasyna jaýapsyz on gol soǵyp, týrnır kestesindegi jaǵdaıyn jaqsarta tústi.

Qazir olar 22 oıynnan keıin 61 upaı jınap, birinshi orynda tur. Degenmen ekinshi orynda 59 upaı jınaǵan «Aqtóbeden» bir oıyny artyq. 

Bul týrdaǵy ózge oıyndar 15 qyrkúıek kúni ótkiziledi. 

Oıyn kestesi:
«Jetisý» (Taldyqorǵan) — «Elimaı» (Semeı)
«Qaırat» (Almaty) — «Aqtóbe»
«Oqjetpes» (Kókshetaý) — «Tobyl» (Qostanaı)
«Atyraý» — «Astana»
«Qaısar» (Qyzylorda) — «Ulytaý» (Jezqazǵan)
«Tomırıs-Turan» (Túrkistan) — «Qyzyljar» (Petropavl).

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, budan buryn fýtboldan áıelder lıgasynda «Aqtóbe» «Oqjetpesti» taǵy da iri eseppen jeńdi.