Fýtboldan Áıelder lıgasynda BIІK klýby «Jetisýdy» iri eseppen jeńdi
ASTANA. KAZINFORM - Fýtboldan Áıelder lıgasynda HH týrdaǵy taǵy bir oıynnyń nátıjesi belgili boldy. Bul joly shymkenttik BIІK klýby syrt alańda taldyqorǵandyq «Jetisý» komandasymen sheberlik baıqasty.
Kezdesý barysynda shymkenttik komanda qarsylasyna jaýapsyz jeti dop soqty. Osylaısha olar taldyqorǵandyq klýbty 7:0 esebimen jeńip, týrnır kestesinde 55 upaımen ekinshi orynda tur.
Endi olardyń bas júldeden negizgi qarsylasy - «Aqtóbe» 4 qyrkúıekte túrkistandyq «Tomırıs-Turanmen» jasyl alańǵa shyǵady.
Atalǵan týrdaǵy ózge oıyn nátıjeleri tómendegishe:
1 qyrkúıek
«Jeńis» (Astana) - «Qyzyljar» (Petropavl) 3:0
«Oqjetpes» (Kókshetaý) - «Elimaı» (Semeı) 0:11
«Atyraý» - «Qaırat» (Almaty) 0:6
«Tobyl» (Qostanaı) - «Ulytaý» (Jezqazǵan) 0:2
«Qaısar» (Qyzylorda) - «Astana» 2:2.
Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.
Osyǵan deıin BIІK komandasynyń Eýropa kýbogyndaǵy qarsylasy anyqtalǵany týraly jazdyq.
