Fýtboldan áıelder lıgasynda BIІK qaıtadan birinshi orynǵa kóterildi
ASTANA. KAZINFORM — Búgin fýtboldan elimizdiń áıelder lıgasynda HVII týry máresine jetti.
Bul týrdaǵy sońǵy oıynda shymkenttik BIІK klýby syrt alańda Semeıdiń «Elimaı» komandasymen sheberlik baıqasty.
Elimizde shymkenttik klýb birneshe jyldan beri oıyn kórsetip keledi. Tájirıbeli komanda eýrokýbok oıyndarynda el namysyn qorǵap keledi. Bıyl da joǵary kórsetkishimen jankúıer kóńilinen shyǵyp júr.
Atalǵan kezdesýde de olar sol qarqynynan taıǵan joq. Syrt alańda oınaǵanyna qaramastan qarsylas qaqpasyna jeti gol soǵyp ketti. Oǵan semeılik fýtbolshylar nebári bir ǵana golmen jaýap qaıyrdy.
Osylaısha BIІK qarsylasynan 7:1 esebimen basym túsip, týrnır kestesinde 49 upaımen qaıtadan birinshi orynǵa kóterildi.
Sondaı-aq atalǵan týrda «Aqtóbe» Jezqazǵannyń «Ulytaý» komandasyn 7:0, «Astana» Kókshetaýdyń «Oqjetpesin» 8:1, almatylyq «Qaırat» Taldyqorǵannyń «Jetisýyn» 3:1, Petropavldyń «Qyzyljary» Qostanaıdyń «Tobylyn» 4:0, Túrkistannyń «Tomırıs-Turany» qyzylordalyq «Qaısardy» 5:2 esebimen jeńse, «Atyraý» elordalyq «Jeńiske» 1:5 esebimen ese jiberdi.
Endi aldaǵy týr oıyndary 18 tamyz kúni ótkiziledi.
Federatsııa talabymen erler klýbtarynyń janynan bıyl áıelder quramalary qurylǵan.
Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.
