Fýtboldan áıelder lıgasynda BIІK qarsylasyn iri eseppen jeńdi
ASTANA. KAZINFORM - Fýtboldan áıelder arasyndaǵy Qazaqstan chempıonatynyń aldyn ala ótkizilgen on toǵyzynshy týrynda shymkenttik BIІK qarsylasyn iri eseppen jeńdi.
Shymkenttik komanda 17 shildede óz alańynda Qostanaıdyń «Tobyl» komandasyn qabyldaǵan edi. Birinshi kezeńde olar qarsylas qaqpasyna jaýapsyz on eki gol soǵyp úlgerdi. Ekinshi kezeńde shymkenttik fýtbolshylar taǵy on bir márte gol soǵýdan kózge tústi.
Osylaısha olar qarsylasynan 23:0 esebimen basym túsip, týrnır kestesindegi jaǵdaıyn odan ári jaqsarta tústi. Qazir olardyń enshisinde 40 upaı bar. Shymkenttik komanda «Aqtóbeden» úsh upaıǵa uzaı tústi.
Qazirge deıin gol soǵý jóninen «Aqtóbe» rekord jaasǵan edi. Olar syrt alańda Kókshetaýdyń «Oqjetpesin» 24:0 esebimen basym tústi. Olar buǵan deıin 19 mamyrda «Atyraýdy» 19:0 esebimen tize búktirgen edi.
Aıta ketsek, budan buryn on úshinshi týr oıyndary ótti.
Bul týrdyń oıyn nátıjeleri tómendegishe:
- «Jeńis» (Astana) - «Oqjetpes» (Kókshetaý) 6:0
- «Qyzyljar» (Petropavl) - «Astana» 1:0
- «Jetisý» (Taldyqorǵan) - «Aqtóbe» 0:9
- «Qaırat» (Almaty) - BIІK (Shymkent) 0:11
- «Atyraý» - «Elimaı» (Semeı) 1:5
- «Tomırıs-Turan» (Túrkistan) - «Ulytaý» (Jezqazǵan) 0:1
- «Qaısar» (Qyzylorda) - «Tobyl» (Qostanaı) 1:2.