Fýtboldan áıelder lıgasynda BIIK pen «Aqtóbe» teń tústi

ASTANA. KAZINFORM — Fýtboldan áıelder arasyndaǵy Qazaqstan chempıonatynyń úshinshi týry máresine jetti.  

Alǵashqy eki týrda jeńiske jetken shymkenttik BIIK jáne «Aqtóbe» komandalary bul joly ózara kezdesti. Oıyn barysynda komandalar úsh upaı oljalaýǵa bar kúshin saldy. Jeńgeni týrnır kestesinde jeke-dara kósh basyna shyǵatyn edi.

Qarsylastar tartysty oıyn ótkizdi. Nátıjesinde 2:2 esebine qanaǵat bildirdi.

Sondaı-aq atalǵan týrda kóshetaýlyq «Oqjetpes» qarsylasyna iri eseppen jeńilip qaldy. Bul týrda almatylyq «Qaıratqa» 1:14 esebimen jol berdi. Olar úsh týrda nebári 2 gol soǵyp, óz qaqpasyna 40 gol jiberip aldy.

Ekinshi týrdyń oıyn kestesi:

«Oqjetpes» (Kókshetaý) — «Qaırat» (Almaty) 1:14
«Jetisý» (Taldyqorǵan) — «Atyraý» 3:2
«Ulytaý» (Jezqazǵan) — «Astana» 1:0
«Elimaı» (Semeı) — «Qyzyljar» (Petropavl) 1:3
«Qaısar» (Qyzylorda) — «Jeńis» (Astana) 1:1
BIIK (Shymkent) — «Aqtóbe» 2:2
«Tobyl» (Qostanaı) — «Tomırıs-Turan» (Túrkistan) 0:8.

Atalǵan týrdan keıin «Tomırıs-Turan», BIIK, «Aqtóbe» 7 upaımen kósh basynda keledi.

Endi aldaǵy týr oıyndary 5 mamyr kúni ótkiziledi. 

Aıta ketsek, budan buryn fýtboldan Premer-lıga komandalary arasyndaǵy Qazaqstan chempıonatynyń altynshy týry máresine jetti.