Fýtboldan áıelder lıgasynda «Aqtóbe» «Ulytaýdy» iri eseppen jeńdi

ASTANA. KAZINFORM — Búgin fýtboldan elimizdiń áıelder lıgasynda HVII týrynyń alǵashqy oıyn kúni aıaqtaldy. 

Bul kúni «Aqtóbe» óz alańynda Jezqazǵannyń «Ulytaý» komandasyn 7:0 esebimen súrindirdi. Nátıjesinde 49 upaımen birinshi orynǵa kóterildi.

Qazirge deıin birinshi orynda kele jatqan shymkenttik BIІK klýby 12 tamyzda syrt alańda Semeıdiń «Elimaı» komandasymen jasyl alańǵa shyǵady. Olardyń enshisinde 46 upaı bar.

Sondaı-aq atalǵan týrda «Astana» Kókshetaýdyń «Oqjetpesin» 8:1, almatylyq «Qaırat» Taldyqorǵannyń «Jetisýyn» 3:1, Petropavldyń «Qyzyljary» Qostanaıdyń «Tobylyn» 4:0, Túrkistannyń «Tomırıs-Turany» qyzylordalyq «Qaısardy» 5:2 esebimen jeńse, «Atyraý» elordalyq «Jeńiske» 1:5 esebimen ese jiberdi.

Federatsııa talabymen erler klýbtarynyń janynan bıyl áıelder quramalary qurylǵan.

Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.