Fýtboldan Áıelder lıgasynda «Aqtóbe» «Turan-Túrkistanmen» teń tústi

ASTANA. KAZINFORM — Fýtboldan Áıelder lıgasynda HH týr máresine jetti. 

Bul joly shymkenttik «Aqtóbe» syrt alańda túrkistandyq «Turan-Túrkistan» komandasymen sheberlik baıqasty.

Kezdesý barysynda komandalar 0:0 esebine qanaǵat bildirip tarasty. Bul — aqtóbelik klýbtyń el birinshiligindegi ekinshi teń oıyny. Qalǵan 18 kezdesýde olar birde-bir márte jeńilip kórgen joq.

Atalǵan oıynnan keıin «Aqtóbe» 20 oıynnan keıin 56 upaımen birinshi orynǵa kóterildi.

Atalǵan týrdaǵy ózge oıyn nátıjeleri tómendegishe:

1 qyrkúıek

«Jeńis» (Astana) — «Qyzyljar» (Petropavl) 3:0
«Oqjetpes» (Kókshetaý) — «Elimaı» (Semeı) 0:11
«Atyraý» — «Qaırat» (Almaty) 0:6
«Tobyl» (Qostanaı) — «Ulytaý» (Jezqazǵan) 0:2
«Qaısar» (Qyzylorda) — «Astana» 2:2.

3 qyrkúıek

«Jetisý» (Taldyqorǵan) — BIІK (Shymkent) 0:7.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.

Eske salsaq, buǵan deıin BIІK komandasynyń Eýropa kýbogyndaǵy qarsylasy anyqtalǵany týraly jazdyq.