Fýtboldan áıelder lıgasynda «Aqtóbe» tuńǵysh ret chempıon atandy
ASTANA. KAZINFORM - Búgin fýtboldan áıelder arasyndaǵy Qazaqstan chempıonaty máresine jetip, bas júlde alǵash ret «Aqtóbe» komandasyna buıyrdy.
Sońǵy týrda aqtóbelik klýb óz alańynda elordalyq «Astana» komandasyn qabyldady. Kezdesý barysynda olar qarsylas qaqpasyna jaýapsyz 6 gol saldy. Osylaısha qarsylasynan 6:0 esebimen basym túsip, 74 upaımen birinshi oryn aldy. Nátıjesinde 2026 jylǵy Qazaqstan chempıony ataǵyn jeńip aldy.
«Aqtóbe» 2014 jyly quryldy. El birinshiliginde 2024 jyly kúmis alsa, 2018 jyly qola júldeger atanǵan edi.
Al on bir jyl boıy el chempıony ataǵyn eshkimge ustata qoımaǵan shymkenttik BIІK klýb bul joly ekinshi oryndy qanaǵat tutýǵa májbúr boldy. Olar sońǵy týrda syrt alańda Petropavldyń «Qyzyljar» klýbyn 4:0 esebimen tize búktirdi.
Ózge oıyndardyń nátıjesi
«Tomırıs-Turan» (Túrkistan) - «Elimaı» (Semeı) 4:0
«Atyraý» - «Oqjetpes» (Kókshetaý) 4:0
«Qaırat» (Almaty) - «Ulytaý» (Jezqazǵan) 0:0
«Jeńis» (Astana) - «Tobyl» (Qostanaı) 0:0
«Qaısar» (Qyzylorda) - «Jetisý» (Taldyqorǵan) 5:0.
Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi. Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.
Eske salsaq, budan buryn fýtboldan Soltústik Makedonııa quramasy 2026 jylǵy álem chempıonaty irikteý kezeńindegi Qazaqstanǵa qarsy quramyn jarııalady.